Bakit ka nananaginip ng Ahas | Why do I dream about snakes

Bakit nga ba tayo nananaginip ng ahas?

Madalas ating pinaniniwalaan na ang mga ahas ay mga simbolo ng pagtatraydor, kalaban, kaaway o kaya ay panlilinlang.  Pero sa mga Hindu, ito ay isang positibong panaginip.  Alamin kung paano naging maganda sa pananaw ng mga Hindu ang managinip ng tungkol sa ahas.

Bakit ako nananaginip ng Ahas?

(Why did I dream of snakes?)

#DreamsInterpretation  #GreenSnakes  #DreamingOfGreenSnakes

 

Maaaring tinatanong mo ang sarili mo kung bakit ka nananaginip ng Ahas.  Masama ba ito?  Nakatatakot ba ang kahulugan nito?  May mga dapat ba akong iwasan?  May mga bagay ba akong dapat na gawin?  May magtatraydor ba sa akin?  Sa video na ito ay matutuklasan niyo ang mga pangkalahatang kahulugan ng panaginip tungkol sa ahas.  Iyong general meaning ng ahas sa panaginip ang ibibigay ko sa inyo at kung hindi niyo mahanap ang sagot sa inyong katanungan kung bakit ay maaaring nasa ibang mga video ko ang kasagutan. 

 

Bakit ako nananaginip ng Ahas?

Una, dapat mong tingnan kung ano ang iyong paniniwala o relihiyon dahil nakadepende ang magiging kasagutan o kahulugan nito sa iyo.  

 

Kung ikaw ay Hindu o naniniwala sa mga katuruan ng Hindu, ang mga sasabihin ko ay para sa iyo.

Ang kahulugan ng ahas sa panaginip ay positibo.  Wala kang dapat ipag-alala.  Bakit?  Dahil ang Ahas ay sumisimbolo sa Kundalini.  Ano ba ang Kundilini?  Ang Kundalini sa mga Hindu ay ang life-force energy, ito ang mga energies na nagbibigay ng lakas sa buhay natin.  Sa ibang salita ang Kundilini ay ang internal power natin na kung saan ang energy ay dumadaloy sa ating mga chakras. 

 

Chakra, ano ang Chakra?  Ang mga chakra ay mga sentro ng enerhiya ng indibidwal na nauugnay sa mga pisikal, mental at emosyonal na pakikipag-ugnayan. May pitong Chakra ang ating katawan at may mga ibat ibang kulay na nakaugnay sa mga ito.  Ang mga chakra ay ang pagbubukas sa aura ng isang tao na nagpapahintulot sa enerhiya ng buhay na dumaloy at lumabas. Importante na bukas ang ating mga chakra. Dahil pinapasigla nito ang ating pisikal na katawan.

 

Kapag barado ang mga chakras, hindi makakadaloy ang mga energy na ito. 

 

Ang kundalini (ito iyong life-force energy) ay mula sa Sanskrit language na ang ibig sabihin ay “Coiled Snake” o nakapulupot na ahas.  Ano naman ang Sanskrit Language?  Ito ay napakatanda ng language ng mga Hindu na pinaniniwalaan din nilang sagrado o banal dahil ito ay ginagamit nila noon sa pakikipag usap sa kanilang mga diyos.  Kaya kapag nanaginip ng Ahas at pinaniniwalaan mo ang katuruan ng mga Hindu, ibig sabihin ay magbubukas ang mga chakras mo, sisigla ang iyong pisikal, mental at emotional na pangangatawan mo at makakatuklas ka ng bagong kakayahan sa buhay.

 

Sinusuportahan naman ng medisina ang paniniwalang ito ng mga Hindu.  Bakit?  Dahil ang logo ng medisina ay ang coiled snake.  Saan naman galing ang ideya ng mga medisina at ito ang kanilang ginamit na logo. 

 

Ayon sa bibliya, mababasa sa aklat ng Numbers, Chapter 21:9

9At si Moises ay gumawa ng isang ahas na tanso at ipinatong sa isang tikin: at nangyari, na pag may nakagat ng ahas ay nabubuhay pagtingin sa ahas na tanso.

 

Ang tikin nga pala ay pole sa English.  Karaniwan na ang pole ay mahaba at pabilog na nakatayo.  Bakit gumawa si Moises ng Ahas na tanso at nakapatong sa tikin.  Dahil ipinag-utos ito ng Panginoon upang iligtas ang mga marereklamong mga Israelita noon.  Sa sobrang pagrereklamo nila ay nagsipagsalita sila ng laban sa Panginoon.  Nagalit ang Diyos sa kanila kaya nagpadala ng mga ahas bilang parusa sa kanila.  Sa mga natuklaw ng ahas at gustong mabuhay, kailangang tumingin at manampalataya sila sa ginawa ni Moises na Ahas na tanso na nakapatong sa tikin.  At ganoon nga ang nangyari, nabuhay ang mga nagsisampalataya sa Ahas na tanso na nasa tikin.  Ito ang ginamit ng medisina na logo nila na nakabase sa paniniwala ng mga Hindu at ng mga matatandang Israelita.

Subalit sa mga modernong Kristiyano ngayon, iba ang pinaniniwalaan.  Bakit?  Dahil sa Ahas (representante ng Diyablo)  ang larawan na binanggit sa unang aklat ng bibliya, o aklat ng Genesis na luminlang kay Eba upang magkasala laban sa Diyos.  At iyon ay ang pagkain ng mansanas o ang bunga ng prutas na ipinagbabawal ng Diyos.  Kaya sa mga modern Christians ang Ahas ay sumisimbolo sa kaaway, panlilinlang o pagtatraydor.  Ahas ang ginamit ng simbolo ng bibliya na naglalarawan kay Satanas. 

 

Kung sa unang aklat binanggit si Satanas bilang Ahas, ganoon din sa huling aklat ng bibliya, ang Revelation o Pahayag o Apocalypsis Chapter 12:9  At inihagis ang malaking dragon, ang matandang ahas, ang tinatawag na Diablo at Satanas, ang dumadaya sa buong sanglibutan; siya'y inihagis sa lupa, at ang kaniyang mga anghel ay inihagis na kasama niya.

 

Noong itinapon ang mga Diyablo sa lupa, nalaman nila na may babaeng nanganak ng sanggol na lalake.  Galit na galit ang mga diyablo dahil ang batang ito ay ang tagapagligtas.  Tinugis ng Diyablo ang babae pero iningatan ito ng Diyos. Dahil dito tinutugis ng mga Diyablo ang mga tao na naniniwala sa Tagapagligtas upang idamay sa kaparusahang naghihintay sa kanila. 

 

Ibat iba ang mga kahulugan ng Ahas sa panaginip.  Dapat isa alang alang ang kulay ng ahas, ano ang ginagawa ng ahas?  Ano ang ginagawa ng mga karakter sa panaginip?  Ano ang iyong damdamin habang nananaginip ka ng Ahas?

Sundan ang mga videos ko tungkol sa mga kahulugan ng ibat ibang kulay ng Ahas.

 

Hanggang sa muli.

 

-End-

Truth or Fiction by Alvin Labios