Fengshui: Mga Bagay na Malas sa Bahay | Patnubay TV

Welcome back to my channel at sa mga bago pa lang sa channel ko ay baka gusto niyong magsubscribe at pindutin ang BELL ALL upang manotify kayo ni Youtube sa tuwing meron akong bagong video na inapload.

 

Sa video natin ay ishe share ko sa inyo ang mga bagay na nagbibigay ng kamalasan sa bahay.  Ito ay ayon sa Feng shui.  Pero bago tayo magpatuloy ay alamin muna natin,  ano ba ang Feng Shui at saan ito galing?  By the way ay maraming mga paraan ng pagbigkas ang salitang ito.  Pakinggan natin kung paano ito binibigkas ng ibang bansa.

Filipino:  Pongsoy 

Paala-ala:

Ang ating video ay maaaring hindi angkop sa inyong paniniwala at ito ay makapagdulot sa inyo ng galit o inis o pagkamuhi.  Iminumungkahi ko na kung kayo ay hindi open-minded na tao ay mangyari na skip na lamang ang ating video.   Sa mga gustong panoorin ang video na ito ay panoorin ng merong panunuri at pag-iingat.

Ang Feng shui (/ˈfʌŋˌʃuːi/ [2]), ay tinatawag ding Chinese geomancy.  Ito ay isang sinaunang traditional Chinese practice o isang tradisyon na nakasanayan na ng mga Tsino.  Gumagamit ang mga Chinese ng mga puwersa ng enerhiya upang i-harmonize ang bawat tao sa kanilang kapaligiran. Ang terminong feng shui ay nangangahulugang, literal, "hangin-tubig" (i.e., likido).  Ayon sa mga paniniwala nila mula noong sinaunang panahon, ang mga landscapes at ang mga bodies of water ay nakakapagpadaloy ng Qi.  Ang Qi ay ang cosmic current o energy mula sa Cosmos o universe na maaaring makadaloy sa pamamagitan ng lugar at istruktura.  O maging hadlang dahil sa maling mga position nito.   Ayon pa sa paniniwalang ito na upang mapanatili o mapabuti ang kayamanan, kaligayahan, mahabang buhay at ang pamilya ay dapat in harmony ang mga bagay bagay at structure sa paligid ng tao.  Dahil kung hindi, ang tao ay magkakaroon ng napakaraming problema at kadalasan ay masasabi nating, malas ang pamumuhay.   

At sa video natin ay ibibigay ko ang mga bagay na dapat ay wala sa bahay natin upang tayo ay hindi malasin sa buhay.

Handa na ba kayong malaman ang mga bagay na ito?

1.      Basag na salamin o tiles.  Alam niyo ba na ito ay isa ding pamahiin ng ating mga ninuno.  Hindi nga lamang malinaw kung ang kanilang pamahiin na ito ay galing sa mga Tsino.  Sinakop tayo ng China noong 1574 sa pangunguna na isang warlord na si Limahong.  Nagkaroon sila ng mga anak sa ating mga ninuno at hanggang ngayon ay maraming Filipino-Chinese sa ating bansa lalo na sa Binondo na isang distrito sa Manila City.  Alam niyo ba na ang Binondo ang pinakamatandang Chinatown sa buong mundo?  Bakit malas ang basag na salamin?  Ayon sa Feng Shui, ang mga basag na salamin ay nag-aattract ng mga negative energy o forces.  Kung kaya ang mga taong nakatira sa bahay ay lalayuan ng mga suwerte sa pera, trabaho at maging sa relationship.  Kung ikaw naman ay makabasag ng salamin, dapat itong itapon agad dahil kung hindi, ikaw ay mamalasin ng 7 taon.  Kung kusang nabasag ang salamin kahit na wala namang gumagalaw dito ay nagbabadya ng isang trahedyang na darating na kadalasan ay aksidente o kamatayan sa isang masakit na paraan ng isang mahal sa buhay.   Ang dapat na gawin ay agad itong ilabas ng bahay at ibaon sa lupa o itapon sa basurahan.  Ang mga basag na salamin ay maaaring makasugat sa atin o makapagdulot ng sakit sa atin.

2.     Madumi, makalat na Terrace.   Ang terrace ay isang lugar sa ating tahanan na kung saan ay pwedeng daluyan ng swerte papasok sa bahay kung ito ay maayos, malinis at walang mga nakatambak na sirang gamit.  Nilalayuan ng swerte ang bahay na ang terrace ay makalat, madumi at may mga tambak na sirang gamit o basura.  Kadalasan sa ating mga Filipino ay ginagawa nating tambakan ang terrace dahil na rin siguro sa kulang tayo sa lugar na pwedeng paglagyan nito.  Hindi lamang sa masakit tingnan o nakakasakit ng ulo ang makalat, madumi at hindi maayos na terrace kundi ito ay pwedeng maging sanhi ng masamang amoy at mga alikabok na makakapagsanhi ng sakit tulad ng allergy sa mga nakatira dito.  Ang Qi o ang cosmic energy ay hindi din makadadaloy sa lugar na magulo at madumi.  Ang dapat na gawin ay linisin ang terrace, alisin ang mga nakatambak na sirang gamit at basura upang maging maayos ang daloy ng Qi sa loob ng bahay.  Makakatulong din sa pagdaloy ng swerte kung lalagyan ng mga halamang pamapasuwerte ang terrace tulad ng Chinese Bamboo o kaya ay fern.  Marami pang mga halaman na ayon sa Feng Shui ay nagbibigay ng swerte.

3.     Broken Faucet o sirang Gripo.  Ang Gripo ay dinadaluyan ng tubig na kung saan ang tubig ay isang pangunahing elemento sa Feng shui.  Tandaan na ang ibig sabhin shui sa Feng shui ay water o tubig.  Dapat na ang daluyan ng tubig ay maayos.  Hindi lamang upang magkaroon o makakuha tayo ng tubig  ng mas maayos kundi hindi dapat na mapigilan ang pagdaloy ng tubig sa gripo dahil sumisimbolo ito na ang swerte ay napipigilan din.  Kung ikaw ay may gripong sira ay makabubuting ipaayos mo ito agad.  Nakakapag bigay din ng negative energy sa mga gumagamit ng gripo lalo na kung ito ay sira.  Nakakagalit din naman kasi na hindi mapakinabangan ang gripo ng tubig.

4.     Loose wiring.  Ang mga loose wiring sa bahay o salasalabat na mga wiring ay hindi magandang tingnan.  Bukod sa masakit tingnan sa mata, nakakasakit din talaga ng ulo ito lalo na kung nagiging sagabal sa pagkilos.  Maaari ding maging dahilan ng pagkasunog ang makalat o hindi maayos na wiring sa bahay.  Ang electric current ay dumadaan dito at nagtataglay din ito ng heat energy.  Kung ang init ay hindi kayanin ng ibang wires ay maaaring matunaw, mabalatan at magkaroon ng spark at pagmulan ito ng sunod.  Ang mga loose wiring ay sumasagabal sa pagdaloy ng hangin.  Ang ibig sabihin ng Feng sa Feng shui ay wind o hangin.  Hindi dapat mabarahan ang pagdaloy ng hangin ng mga loose wiring o makalat na wiring sa bahay.  Tulad din ng mga kalat, dumi at mga nakatambak na gamit sa Terrace, hinahadalangan nito ang magandang daloy ng swuerte sa loob ng bahay.  Ayusin agad ang mga wiring.  Pwedeng gumamit ng mga insulator o ayusin at itago ang mga wiring sa likod o ilalim ng mga gamit.

5.     Wall cracks o mga crack sa pader.  Well, bukod sa nakakatakot na baka magiba ang pader mo at mabagsakan ka ay nakakapagdulot ito ng kamalasan sa bahay.  Tulad ng salamin na basag na kung saan ay nakakapag attract ito ng negative energy ay ganoon din ang mga wall cracks.  Maaaring tirhan ng mga kulisap at daanan ng anay ang mga cracks na ito na siyang lalong magpapahina sa pader at bigla na lamang itong mabuwal.  Ang mga cracks sa pader ayon sa Feng shui ay balakid sa pagdaloy ng magandang kapalaran sa buhay.  Ang mga cracks ay simbolo ng pagkasira at ito ay nakakapekto din sa pagkasira ng magandang relationship, magandang kapalaran at masiglang pangangatawan.  Gumamit ng mga fillers upang matakpan ang mga cracks, pinturahan na lamang itong muli upang hindi na Makita ang mga cracks na ito.

6.     Birds nest at spider web.  Ang birds nest ay pwedeng makapagbigay ng masamang amoy.  Ang mga ibon ay pwede ding maging carrier ng sakit.  Ang mga pugad nito ay pwedeng makapag imbak ng dumi, alikabok na makakasama sa kalusugan o pagmulang ng sakit ng mga nakatira sa bahay.  Ganoon din ang mga spider web na sumasagabal sa magandang daloy ng hangin sa loob ng bahay.  Bagamat nakakatulong ang spider web upang mabawasan ang mga kulisap tulad ng lamok at langaw ay hindi naman ito maganda para sa pagdaloy ng Chi.   Nakakasaya ng damdamin na tumira sa bahay na malinis at maayos.  Ang damdaming ito ay nakatutulong sa mga nakatira upang maging positibo sa kaniyang pakiramdam at pamumuhay. 

7.     Lantang bulaklak o halaman. Kung ang mga bulaklak sa flower vase ay lanta na, makabubuting ito ay itapon na.  Ganoon din ang mga lantang dahon sa halaman o ang halaman mismo.  Hindi masiglang tingnan ang mga lantang bulaklak at lantang halaman dahil ito ay simisimbolo sa kamatayan. Nakakapanghina sa pakiramdam ang makakita ng mga lantang halaman at bulaklak na kung saan ang negative energy ay nangingibabaw sa mga nakatira sa bahay.  Mag-alaga ng mga halamang pampasuwerte at mga halamang nakakapag filter ng hangin dahil ito ay makakatulong sa kalusugan ng mga taong nakatira.

Ang magandang pag-uugali ay nakakapagbigay ng positive energy sa lahat.  Nababawasan ang away o hindi pagkakaunawaan o pagkakasunduan at nagiging magaan ang pamumuhay.  Kadalasan ng kamalasan sa buhay ay bunga ng masamang bibig, maling pananalita, masamang pag-uugali at hindi maka-Diyos na pamumuhay.  Ang pagiging malapit sa Diyos ay nagtataboy ng kamalasan sa buhay.  Tandaan na ang maayos at malinis na bahay ay nakakapagbigay din ng positive energy dahil nababawasan nito ang sakit ng ulo bigat ng kalooban at napapahintulutan nito na dumaloy ng maayos ang Chi sa loob ng bahay.  Tandaan natin na ang mga bagay na ating pinaniniwalaan ay malaki ang impact sa ating pamumuhay.  Maniwala man tayo o hindi sa Feng Shui ay meron namang talagang magandang dahilan kung bakit dapat na walang basag na salamin sa bahay, malinis at maayos ang terrace, hindi sira ang mga gripo ng tubig, maayos ang mga wiring ng mga kasangkapan o kuryente, walang cracks ang mga dingding, walang spider web o bird’s nest, at wala ding mga lantang bulaklak o halaman.

Babala:

Kung may mga Feng Shui consultants na magbibigay sa inyo ng advice at gagamitin nila ang front door bilang reference para sa paggamit ng Bagua, wag na ninyong ituloy ang pagkonsulta dahil mas lalong magiging masama ang resulta.  Marami ang mga nagkalat na mga Feng Shui consultant na hindi gumagamit ng compass at hindi gumagamit ng mga tamang calculations upang ma-activate ang positive energy.  Sumangguni lamang sa mga Feng Shui consultants na gumagamit ng compass at gumagamit ng calculations upang matukoy ang mga tamang pag po position ng Bagua layout sa bahay.

 

Maraming salamat sa panood mga kaibigan, alin sa mga ito ang meron ka sa bahay mo.  Magcomment lamang sa ibaba at sabihin mo ang experience mo sa pagkakaroon nito.  Hanggang sa muli mga kaibigan.